Qlobalistlər və transhumanistlər artıq ümumdünya “yeni dünya nizamı” siyasətlərini açıq şəkildə elan ediblər. Bəşəriyyətlə nə etmək istəyirlər? Planlar qorxuncdur!
Gələn il Dünya İqtisadi Forumunun (World Economic Forum) 50 illiyi qeyd olunacaq. Forum İsveçrənin Davos şəhərində keçirilən dünya siyasi elitası və tanınmış iş adamlarından ibarət toplantıdır.
Forumun yaradıcısı və 50 ildi rəhbəri olan Klaus Şvabdır. Klaus Şvab iqtisadçıdır, Jeneva universitetinin professorudur. 2020 ci ilin may ayında Klaus Şvab Böyük Britaniya şəhzadəsi Carlzla video konfrans zamanı “böyük sıfırlama” (The Great Reset) termininin adını çəkərək müzakirəyə çıxardıblar. Əsas məsələ budur- kapitalizm ciddi böhran keçirir, kapitalizmi yenidən qurmaq lazımdır. Koronavirus pandemiyası, sərt karantin rejimi bunun üçün ideal şansdır, və sərt karantin rejimini bacardıqca uzatmaq lazımdır…
İyun ayında DİF-in saytında The Great Reset səhifəsi açıldı. Dərhal bu mövzu siyasi elitalar və milyarderlər arasında tərəfdarlar topladı. Co Bayden, Boris Conson, Castin Tryudo, nəhəng korporasiyalar: Amazon, Apple, Google, Facebook, Micrasoft bu “planın” tərəfdarları olduqlarını bildirdilər.
İyul ayında Klaus Şvab fransız iqtisadçı Tyer Mallre (sol meyilli futuroloq) ilə birlikdə həmmüəllif olduqları “Covid-19: Böyük Sıfırlama” (“Covid-19: The Great Reset”) adlı kitab dərc etdilər. Milyarderlər klubunun rəhbərinin yazdığı kitab böyük maraqla qarşılandı. Kitabın əsas ideyası bunlardır:
—Birincisi, COVID-19“unikal imkanlar pəncərəsidir. Bu pəncərə vasitəsiylə bəşəriyyəti gələcəyə aparmaq lazımdır. Əvvəlki nizama qayıdış olmamalıdır! Sitat: “Bəziləri soruşur ki, biz nə vaxt normal yaşama geri qayıdacayıq? Cavab çox qısadır: Heç vaxt! Bizim tarix 2 yerə bölünüb- koronavirusdan əvvəl və sonra”
— İkincisi, “parlaq gələcək”də dünyada kasıb və varlı ölkələr arasındakı fərqlər yoxa çıxacaq, bir müddətdən sonra isə dövlətlər arasında sərhədlər də yoxa çıxacaq. Vahid planetar dövlət yaranacaq. Şvab yazır: “Sərt karantin rejimində insanlar evdə oturur, onların ailə bağları möhkəmlənir, dost və ailə üzvlərimizi daha çox sevməyə başlayırıq. Lakin bunun əks effekti də var. Əks effekti odur ki, insanlarda patriotik, milli və etnik hisslər, həmçinin dini hisslər inkişaf etməyə başlayır. Bu isə faciə ola bilər…” Şvab demək istəyir ki, etnik mənsubiyyətə və dinə müharibə elan olunacaq.
— Üçüncüsü, yeni dünya düzəninin iqtisadiyyatı nəhəng monopolistlərin əlində mərkəzləşməlidir. Şəxsi mülkiyyət anlayışı öləcək, onun yerini “paylaşılan iqtisadiyyatı” (sharing economy) tutacaq. Nəğd pul tədavüldən çıxacaq, yerinə isə elektron valyuta tətbiq olunacaq.
— Dördüncü, “yaşıl” enerji istifadəsinə keçid baş verəcək. Su, elektrik enerji istifadəsinə, həmçinin bəzi zərərli qidalara (məsələn ət), zərərli icadlar (məsələn maşın) üçün limit tətbiq olunacaq. Ən radikal addım isə insanların sayını, demoqrafik inkişafın qarşısını almaq olacaq. Sitat: “Nə qədər çox demoqrafik inkişaf (əhali artımı) olacaqsa, bir o qədər də çox yeni pandemiya riskləri olacaq”.
— Beşinci, iş yerlərinin robotlaşdırılmasına tam keçid olacaq. Ümumiyyətlə, iş yerlərinin azalmasına aid kitabın çox yerində danışılır. Sitat: “2035-ci ilə qədər restoranların 86%-də iş yerləri avtomatlaşdırılacaq, ticarət sektorunda 75% iş yerləri, əyləncə sektorunda isə 59% iş yerləri robotlaşdırılacaq. Sərt karantin qaydalarına, sosial məsafə qaydalarına görə restoranların 75% müflisləşəcək. Heç bir müəssisə, heç bir sektor bundan qaca bilməyəcək.” İşsiz qalan insanlar üçün baza gəliri tətbiq olunacaq, lakin bunun üçün o insan peyvənd (vaksin) vurdurduğunu sübut etməlidir.
— Altıncı, bütün sferalarda, iqtisadiyyatın bütün sektorlarında digitallaşdırma tətbiq olunacaq. Texnoloji vasitələrlə insanların üzünü tanımaq, onların hərəkətlərini, yer dəyişmələrini total şəkildə kontrol edilməsi üçün effektiv kontrol sistemi yaradılacaq. Sitat: “Pandemiyaya son vermək üçün, ümumdünya elektron kontrol şəbəkəsinin yaranması zəruridir”.
— Yeddinci, yeni səhiyyə modeli yaranacaq. Yeni modelə əsasən insanlar müntəzəm test olunacaq, peyvənd (vaksin) vacib olacaq. Peyvənddən qaçan insanlar üçün inzibati cəzalar və məhdudiyyətlər tətbiq olunacaq. Peyvənd olunanlara sanitar pasport veriləcək.
— Səkkizinci, transhumanizm ruhuyla insan daha da güclü “təkmilləşəcək”.
Yuxarıda adı çəkilən, 83 yaşlı “milyarderlər klubunun” rəhbərinin yazdığı kitabı, ideyanı bir çox qlobalist korporasiyalar, siyasi elitalar dəstəkləyir. Demək olar ki, qlobalistlər artıq “Yeni dünya nizamı” siyasətlərini açıq şəkildə elan ediblər və həyata keçirirlər.
Yaşayaq görək, bəşəriyyət bunlara adekvat cavab verə biləcəkmi, yoxsa özü üçün hazırlanmış məşum sonu çarəsiz şəkildə tamaşaçı kimi izləyəcəkmi…
TvPress.Az
Elçin Bayramlının bloqu 